ဒုၚ်ကေတ်သာဓုညိ မိမၜါ

နူသြိုဟ်ယာဲအပါ ကောန်သာဲခြာကၠုၚ်၊
မတ်ဗြဲတေံဂၠု လ္ၚုစိုတ်ဒးၚုၚ်။
ပ္ဍဲစိုတ်အာန်ထၞာန် ဌာန်သ္ၚောဲဒးသြုၚ်၊
ဗှ်သၞာဟေၚ် ဇရေၚ်ဇာတိစုၚ်။

ဌာန်သ္ၚောဲကောန်ခြာ ယာဲပါဗ္ကန်ဂး၊
ဒုၚ်ကေတ်လဝ်ဆာဲ ဒၞာဲအာမုက်တၟး။
ညံၚ်ပ္ကဴရာၚ်ဂေါဝ် သာၚ်သောဝ်လောန်ဏး၊
ကြာသ္ကံရဲ တုပ်နဲပၞာၚ်လျးတၟး။




ဒဒိုက်ဒုၚ်ကၠာ သုခါစိုပ်ကြဴ၊
တိုၚ်ပ္ကဴပိုယ်ရ ဂတတေံအဴ။
လောတ်စှေ်တုဲဂှ် က္တဵုပြဟ်ကွာ်တဴ၊
ယာဲပါဗ္ကန် ဟွံခၠန်ကောန်ဒ္ဂေတ်တဴ။

လျိုၚ်မန်မန်ဂၠေၚ် ဖဵုတၟေၚ်ဒှ်မ္ၚဵု၊
တွဟ်ကျာ်နာဲသာ တွံအာဂွံဆဵု။
ပရခိုဟ်ဆာဲ ပဲါအတ္တစဵု၊
ဒုၚ်စေက်ဇဲ ရိုက်တ္ၚဲဒှ်အာမ္ၚဵု။

ယာဲပါသ္ၚောဲခြာ ဗှ်သၞာရိုဟ်တ္ၚဲ၊
ဇရေၚ်ကျာ်တြဲ ပၚ်တဲလ္ၚေဝ်ပြဲ။
ရာဒၞာပြၚ်ဏာ ဟွံခြာခိၚ်မွဲ၊
သာဓုပ္ညုၚ် ဒုၚ်ကေတ်ညိရိုဟ်တ္ၚဲ။
အ္စာကၞေဟ်
အ္စာၝောံမန် ရာမညမိနန္ဒေဝဳ(ဍုၚ်ဇြပ်ဗု)။